होता त्यांचा दरारा असा नाव ऐकताच शत्रूस फुटे घाम.. छत्रपती शिवरायांचे होते कार्य असे महान..

हरविले यवनांना करुनी गनिमी कावा.. घाबरे ना कुणालाही स्वराज्याचा तो छावा!

भीत नाही आम्ही कुणालाही शिवाजी महाराजांचे सेवेकरी.. शिवछत्रपतींच्या नावाची गगनभेदी देतो ललकारी..

उभे करून राज्य रयतेचे राखली अब्रू स्वराज्याची.. वाढविली शान जिजामातेची गातो गाथा शिवछत्रपतींची..

घेऊ शपथ शिवाजी महाराजांची छत्रपतींचा अभिमान बाळगूनी.. वाट चालूया गड्यांनो स्वराज्याची जयजयकार करू सारे मिळूनी..

कितीही असू द्यात शत्रु होईल आमचाच विजय.. देतो आता आरोळी आम्ही शिवाजी महाराज की जय!

इतिहास आहे हा साक्षीला गड्यांनो नतमस्तक होऊ राजांच्या पावलांना.. स्फुरण चढेल नसानसांत त्याच्या, वंदन करी जो शिवाजी महाराजांना..

स्वाभिमान जागवूनी एकत्र केले मराठ्यांना.. जाणता राजा म्हणती शिवाजी महाराजांना..